Աշխարհահռչակ դերասան, ռեժիսոր, պրոդյուսեր Մել Գիբսոնն իր տեսաուղերձում ասել է, որ շատ տխրել է, տեղեկանալով հայկական Արցախում վերջին օրերին հակամարտության սրման մասին: Նա նշել է, որ շատ հայ ընկերներ ունի Ամերիկայի Միացյալ Նահանգներում, որոնք խոսում են իրենց տառապանքների և սիրելիների կորստի մասին:
«Ես մեծ հարգանքով եմ վերաբերվում հայ ժողովրդին: Նրանք շատ հաստատակամ և առատաձեռն են և ստիպված են բախվել հսկայական դժվարությունների, բայց այս մարդկանց կարողությունները, ինչպես դուք և ես գիտենք, անվերջ են։ Ես աղոթում եմ ձեզ համար այս դժվարին ժամանակներում: Եվ ես նաև աղոթում եմ, որ խաղաղ լուծում գտնվի, ու մեծ տերությունները միջամտեն և ճանաչեն առկա իրավիճակը: Հուսով եմ՝ խաղաղության կգաք»,- ասել է նա՝ հայերին մաղթելով ամուր մնալ, շարունակել կատարել իրենց գործը՝ մաղթելով Աստծո օրհնությունը:
